اگر کئی سال سے زیورات کی زکوٰة ادا نہیں کی گئی ہے تو اب کس طرح زکوٰة ادا کی جائے؟
گزشتہ سالوں کی زکوٰة ادا کرنے کا طریقہ یہ ہے کہ سونے اور چاندی کی جو مقدار پہلے سال تھی اس کا چالیسواں حصہ زکوٰة میں دیا جائے، پھر دوسرے سال چالیسویں حصے کی مقدار منہا کرکے بقیہ کا چالیسواں حصہ زکوٰة میں دیا جائے۔ اسی طرح ہرسال کا حساب لگا کر باقی ماندہ کا چالیسواں حصہ زکوٰة میں دیا جائے۔ فقط واللہ اعلم بالصواب
دارالافتاء جامعہ فاروقیہ کراچی