اگر کسی ریٹائرڈ شخص نے اپنی ماہانہ پنشن وصول کرنے کے لیے بنک اکاؤنٹ کھولا ہو تو کیا اسے بھی زکوٰة ادا کرنی ہو گی یا نہیں؟
مذکورہ مسئلے کا جواب دے کر مشکور فرما دیں۔
پنشن کی مد میں ملنے والی رقم اگر بقدر نصاب ہو یا پہلے سے موجود رقم کے ساتھ مل کر نصاب کے بقدر ہو جائے، تو اس رقم پر سال پورا ہونے کے بعد زکوٰة کی ادائیگی واجب ہوگی، البتہ سال کے دوران جو مزید رقم حاصل ہو، چاہے پنشن کی صورت میں … یا کسی اور طریقے سے ہو، اس کو بھی نصاب میں شامل کیا جائے گا۔ فقط واللہ اعلم بالصواب
دارالافتاء جامعہ فاروقیہ کراچی