قبرپر سورہ بقرہ کا پہلا اور آخری رکوع پڑھ کر دعا کرنا

Darul Ifta mix

قبرپر سورہ بقرہ کا پہلا اور آخری رکوع پڑھ کر دعا کرنا

سوال

کیا فرماتے ہیں علمائے کرام او رمفتیان عظام درج ذیل مسائل کے سلسلے میں کہ میت کو دفن کرنے کے بعد اس کی قبر پر سورة البقرة کے پہلے رکوع اور آخری رکوع کے بعد دعا کرنا جائز ہے؟ جب کہ لوگوں نے اس کو ضروری سمجھا ہے۔

جواب

 میت کو دفن کرنے کے بعداس کے سر کی جانب کھڑے ہو کر سورہ بقرہ کا پہلا رکوع اور پاؤں کی طرف کھڑے ہو کر سورہ بقرہ کا آخری رکوع پڑھنا حدیث سے ثابت ہے ،اسی طرح میت کو دفنانے کے بعد اس کے لیے دعائے استغفار اور ثابت قدمی کی دعا کرنا بھی حدیث سے ثابت ہے، البتہ ان کوو اجب یا فرض کا درجہ دینا درست نہیں۔فقط واللہ اعلم بالصواب

دارالافتاء جامعہ فاروقیہ کراچی