بِسْمِ اللَّهِ الرَّحْمَنِ الرَّحِيم

محض خواہش ِ نفس کی خاطرمسلک کی تبدیلی کا حکم

محض خواہش ِ نفس کی خاطرمسلک کی تبدیلی کا حکم

سوال

 کیا فرماتے ہیں مفتیان عظام اس مسئلہ کے بارے میں کہ اگر کوئی شخص مسلک تبدیل کرتا رہتا ہے، کبھی حنفی مسلک اختیار کرتا ہو کبھی شافعی ،یعنی جو مسلک آسان ہو جس مسئلے میں تو وہ اُسے اختیار کرتا ہو، تو اس شخص کا کیا حکم ہے؟ اورکیا اس طرح کرنا جائز ہے ؟

جواب

  واضح رہے کہ انسان پر شریعت کی اتباع کرنا لازم ہے نہ کہ خواہشات کی، صورت ِ مذکورہ میں ایسا شخص جو مسلک تبدیل کرتا رہتا ہے، جس مسئلہ میں آسانی ہو، اس کو لے لیتا ہے، اس طرح کرنا محض خواہشات کی اتباع ہے، اور خواہشات کی اتباع کرنا ناجائز اورحرام ہے۔ فقط واللہ اعلم بالصواب

دارالافتاء جامعہ فاروقیہ کراچی